平時啲超級英雄出場，都一定係有壞人要對付，但今次，呢班超級英雄嘅出現就笨唔係因為壞蛋，而係為咗一個不幸因癌離世嘅小朋友Kyler呀！

呢班英雄，有蜘蛛俠、美國隊長，狼人同雷神，其實都係Kyler嘅親友嚟㗎！因為Kyler好鍾意超級英雄，所以佢媽媽希望用自己嘅方式去歡送Kyler，同埋都想象徵返Kyler都係一個英雄呀！

Kyler媽媽就話：「由我見到佢嘅第一眼開始直至佢喺我懷內離開，我都一樣咁愛佢。同佢講再見嘅嗰種傷感，係我完全意想唔到，承受唔到⋯屋企冇咗佢好冷清，我好掛住佢⋯⋯」不要說了！再講毛毛就要喊出嚟喇，嗚嗚！

雖然今次呢班親友只係cosplay，但喺毛毛心目中，你哋就同一班堅・英雄一樣咁有型呀！

望住呢啲氣球，毛毛相信Kyler喺天上面都一定會感受到你哋對佢嘅愛啫！

資料及圖片來源：Daily Mail