學689話dry，釣魚係好啱一家大細嘅親子活動，如果一個星期返足五十幾六十個鐘仲有時間嘅話學下釣魚都唔錯㗎。好似呢個人咁，放隻蟹落去諗住釣大魚，不過今次隻蟹幫佢拎咗條魚返嚟，都算有完成任務嘅，隻蟹仲可以重用，幾環保?～

條魚心諗，喂阿哥我路過㗎咋喎，你睇佢個表情幾咁無奈。仲有呢隻意志力同樣好頑強下嘅蟹仔，佢嘅心情可能係喂我幫你執咗條魚返嚟喇，你放我走啦。

就算知道自己走唔甩都要執多條魚返嚟，喺生物學界嘅專業名詞嚟講呢，呢種本能現象就叫做攬炒，同喺個海咁啱路過嘅兄弟不能同年同月生，但願同年同日死，哇！何其悲壯呀！

不過淨係一隻蟹鉗住一條魚都唔夠震撼，再悲壯啲嘅版本可以睇下呢個～

 一隻蟹夾到另一隻蟹加兩隻蝦另一隻蟹又夾多三條魚，釣一送六呀，你聽唔聽到下面全部都喺度叫緊：喂放手呀放手呀PK！佢放我我咪放你囉！

呢班海鮮話畀我哋知，原來出事攬住一齊死唔係人類嘅專利嚟㗎，好似攬得越多自己嘅痛苦可以減得越低咁，唔怪得知咁多人鍾意攬炒啦～

圖片來源：白棓嘉、方嘉祥、Mｒ．カトー