講到中伏，毛毛就最有經驗㗎嘞，淨係今朝食早餐嗰陣就已經食到新鮮出爐嘅空心包啦～嘩，啲空氣到而家仲頂住毛毛個心口，不知幾飽肚呀！不過如果毛毛去嘅係呢間舖嘅話，就真係想中伏都幾難喇。

話說有日本網民喺北海道食迴轉壽司嘅時候，見到企喺自己面前嘅壽司師傅係到整緊三文魚籽軍艦壽司喎。嗱，普通嘅三文魚籽軍艦壽司就梗係冇咩特別啦，不過呢碟係啲三文魚籽多到就嚟浸死碟軍艦壽司呀！

睇下，個師傅大羹大羹咁加啲三文魚籽落去，真係隔住個mon都feel到有幾正幾juicy～

おまえら！！！！！！！
これが北海道の回転寿司じゃあああああああああああ！！！！！！
くらええええええ！！ pic.twitter.com/ttHN1vCSqE

— あまとう@6/1新作ｶﾓ (@kabe_chirami) 2016年5月29日

btw，以毛毛9估，呢位哥仔肯肯定係第二間壽司店派嚟嘅二五仔，想蝕死個老闆頂喇！！！

圖片及資料來源：kabe_chirami／twitter

延伸閱讀：【好得人驚】三文魚籽蒸熟咗咁樣樣㗎？