睇嚟強國對於櫻花真係有一種情意結，好似之前就有間強國企業喺日本賣晒廣告，話武漢係世界櫻花之鄉，仲叫人去武漢大學賞花?喎！

啱呀，冇錯喎，世界都是強國的，連櫻花都係！所以就算人哋而家執地下啲櫻花嚟做標本再拎去賣，都係一件好合理嘅事！

是咁的，話說四五月係畢業嘅季節，而武漢大學嘅櫻花一直都好出名（好似係），於是一向有生意頭腦嘅強國人就諗到用櫻花嚟賺錢喇！

首先執咗地下啲櫻花再放入厚書度壓實，之後再黐落張紙度，加個靚靚相架，咁就搞掂喇！咁樣一個標本由30蚊去到300蚊都有，嗯，真係好抵呀！唔怪得吸引咗咁多文青去買啦！話咁快個檔主仲賺咗過萬蚊?喇。你睇下，呢個妹豬買咗之後直程感動到喊?呀！不要再說了，毛毛都有啲都想喊呀！

諗諗下，櫻花樹年年都會開花，每年咁樣執一執啲花瓣就可以開檔，呢單生意真係無本生利，仲可以長做長有?喎！毛毛9估全宇宙都應該冇其他民族好似強國人咁識得利用…啊sorly，我係話珍惜同欣賞櫻花㗎喇！55。

圖片來源、資料來源：新浪新聞

回帶：強國企業東京賣廣告 話武漢係世界櫻花之鄉？、

【做咩啫你】為咗自製櫻花雨 強國人爬樹踢樹乜都齊