呢排日日都天氣不似預期，濕度高到好似就嚟可以喺空氣入面游水咁呀，明明set好個靚頭出街，點知一出門口就濕到塌晒……呢位哥哥仔仲可以keep到個髮型，實係落重gel啫！

喺人山人海水洩不通你推我撞爾虞我詐嘅車廂入面，竟然遇上咗呢位髮型界達人？！嘩佢個頭gel到咁行，小心撞到天花板呀！

點知睇真啲，原來係佢把秀髮畀車頂個通風口吸住先搞成咁咋陰公。見到都唔知點開口提佢好呀……

真係唔講仲以為自己咁好彩捕捉到野生大傑呀！

嗰個哥仔就話畀通風口吸住頭髮先搞成咁呀，呢個著雨褸嘅朋友仔應該係gel咗個尖尖尖頭喇啩！咁大雨都不忘用雨褸包埋個頭，果然對潮流髮型有種執著。

當毛毛仲研究緊佢個頭到底點gel嘅時候，就發現，哎呀，原來世人都誤會咗佢喇！其實個尖尖尖頭係佢個吉他嚟㗎傻豬！嘩，如果畀毛毛第一眼係睇到呢個畫面，實以為有隻雨褸鬼跟住佢！

封面圖片、資料來源： dcard、PTT