睇嚟毛毛真係要去進修下喇！事關毛毛一直以為冷氣機要裝喺牆上面近天花板位置，咁啲冷空氣先可以飄到落嚟，點知最近台灣有人突破盲腸，將成部冷氣機隊入廚房度喎！

裝到咁樣樣，唔講仲以為呢部係微波爐嚟呀！個排氣口仲要對正個爐頭，如果同一時間有人開冷氣同煮嘢食嘅話，喺廚房入面嗰個咪即刻係咁先囉……

個網民就話，佢屋企人唔熟悉電器，畀人sell兩sell就落搭買咗部窗口式冷氣機，咁都唔係問題，最大鑊係佢咁樣樣裝，就算唔熱死都撞死啦！

唉，話唔定其實個冷氣機師傅係想一機兩用，畀呢個網民體驗下咩叫做冰火啫！嗱夏天嗰陣就全家出晒客廳涼冷氣，冬天嗰陣就入晒廚房歎熱氣，用心良苦㗎！Between，呢個師傅裝冷氣咁有一手，唔爭在邀請佢嚟廚房坐下，欣賞下自己嘅作品都得喎！

圖片來源、資料來源：陳艾莉／我是太平人