一個人住最驚係咩？除咗唔夠錢交租之外，毛毛9估都應該係半夜瞓瞓下嗰陣有人敲門㗎喇。雖然話古乳有暈，平生不作虧心事，半夜敲門也不驚！之但係毛毛都係人，都會怕鬼㗎，嗚嗚！尤其是呢排鬼節……噚日強國就有個自己住嘅女人，瞓到半夜嗰陣突然聽到有人瘋狂拍門，仲好似就嚟要破門而入咁，嚇到佢即刻報公安呀！

點知公安一去到個單位，就發現原來所有嘢都係呢隻狗做出嚟……佢本身就住樓上嘅，點知因為貪玩周圍走搞到蕩失路，見到呢個女人個門口就以為係自己屋企，於是咪狂拍門要入屋囉！

班公安都喺微博度話，已經狠狠咁教訓咗呢隻嫌疑犯同佢主人，相信佢哋唔會再犯㗎喇！Between，其實佢識敲門都算係有家教啦，而且個樣又生得咁鬼得意，咪原諒佢囉！

不過講開又講，強國班公安話識同隻狗溝通，到底係點做到嘅呢？唔通……

圖片來源、資料來源：中警安徽／微博