Oppa嚟講，其實來來去去咪又係T.O.P.呀李敏鎬呀金宇彬呀呢啲高大靚仔樣，呢啲oppa睇得多都厭啦……計毛毛話，識睇一定係睇北韓S級oppa－金仔！

話說，早前金仔終於推出咗佢首本個人寫真集《人民偉大的天空（인민 위대한 하늘）》，將佢嘅生活點滴毫無保留咁同喜愛佢嘅朋友仔分享。而呢本咁出色嘅寫真集就連日本節目都有介紹呀！等毛毛同大家一齊睇下～

嗚哇，係搭緊地鐵嘅金仔呀～點解佢個髮型可以咁有型㗎？

除咗金仔搭地鐵嘅相之外，寫真集入面仲有佢視察工廠、醫院同學校等等嘅相。你哋睇下佢張張相都笑到見牙唔見眼、雙下巴又走埋出嚟咁，就知道佢份人係幾咁nice、幾咁親民，同幾咁受萬民擁戴啦！

btw溫提，本《人民偉大的天空》目前只限平壤免稅店先有得賣㗎咋。 

資料來源：o120furusawa／twitter