開講都有話，人靠衣裝，佛靠金裝。今時今日出嚟行，真係要有返咁上下行頭先至夠照㗎！就好似呢隻霸氣外露嘅貓大佬咁，全靠佢家奴才幫佢打造呢個潮爆全新造型，佢先可以好似而家咁型咁man咋！一齊睇下～

嘩，貓大佬著住呢件咁華麗嘅黑色刺繡外套，再加上大金鍊嘅襯托，啲江湖味道真係出晒嚟喎！唔怪得阿貓大佬話而家冇人敢唔畀罐罐佢啦～

而計毛毛話，其實最到肉都係呢位貓大佬嘅表情！大家睇真啲佢個貓樣，佢個貓樣根本就喺度鄙視緊你班愚蠢嘅地球人！（不過慘得過毛毛又唔介意畀佢鄙視……）

另外，對於點解件外套唔扣鈕呢個問題，呢位奴才就表示，其實只係因為阿貓大佬肥先扣唔到，笨唔是有心唔扣扮不羈浪子嘅～

btw，呢位貓大佬型到咁，啲貓女畀你媾晒啦？

資料來源：傘口組／微博