2016年11月07日 星期一
【阿彌陀佛】和尚入鹹碟舖掃貨係咩玩法？
話說，今日有台灣網民就喺某間鹹碟舖入面見到一位身穿袈裟嘅出家人喺度選購緊心水AV，而且見佢連環保袋都拎埋嚟咁款，似乎好有決心要大量入貨咁喎～嘩！唔係有好嘢唔益毛毛下話？
不過話時話，毛毛讀書少，對佛家嘅嘢唔太清楚……乜出家人唔係要戒色㗎咩？點解呢位出家人又會喺度買四仔嘅？
正所謂「我不入地獄誰入地獄」，以毛毛9估，其實呢位出家人肯肯定係想進修日文，所以先買咁多愛情動作片啫～自我增值嘅嘢，你哋班廢青識條毛咩！
仲有呀，邊個話著住袈裟就一定係堅．出家人啫？而家人哋萬聖節玩完cosplay，件衫著咗成個禮拜到而家都未除唔得㗎？
資料來源：張文 文／●【爆料公社】●
回帶又回帶：【阿彌陀佛】和尚都買四仔喎
