奪命追魂call嘅嘢，唔係淨係腦細同女朋友先識，呢兩隻日本主子夠識用「奪命追魂叮」啦～毛毛講緊嘅之唔係大家平時要嚟召喚店員嗰個叮叮囉！自從呢兩隻主子有咗叮叮之後，一眾奴才就畀佢哋瘋狂召喚嚕……睇下！呢兩隻主子又喪撳鐘仔催奴才畀嘢食佢哋喇！

叮叮叮～叮叮叮～你撳幾下，我又撳幾下咁，兩位主子都不知幾合拍，今次仲一叮就叮咗奴才30下?！大家再睇埋黑白主子嘅眼神，嘩兇狠到呢……真係隔住個mon都feel到呢兩位主子有幾心急！

「你個庸才吖，竟然要兩位主子叮足30下先識畀嘢食？家陣係咪撞聾咗呀？咁嘅服務態度就想得到朕嘅寵幸，發夢啦你！」

店員の対応が遅いとすごい勢いで呼び鈴を連打してくる猫様たち pic.twitter.com/53O548J8Lr

— ねこナビ編集部 (@b_ru_ru) 2016年12月3日

btw，雖然呢兩隻主子真係幾煩膠，但做得奴才嘅又點會介意畀佢哋精神虐待吖～之所以「養狗嘅叫主人，養貓嘅叫奴才」咪就係咁解囉。

資料來源：b_ru_ru／twitter