數數手指腳趾，原來2016年只係剩返唔夠一個月，除咗表示各位今年嘅目標又要順延變成下年嘅目標之外，仲代表毒L們好快就要過Lonely～Lonely Christmas?。而最近，有日本網民就開始佈置屋企棵聖誕樹，之不過……你咁樣樣佈置棵聖誕樹係咪玩嘢呀？

嘩，想嚇到人個心都離一離咩！呢位日本網民竟然將個陰陰嘴笑面具當裝飾咁掛上棵聖誕樹度喎，而且當佢開著啲燈飾之後，咁啱仲有兩粒紅色燈膽仔喺面具對眼嘅位置?，真係用蔗渣嘅價錢就整得出閃燈乳豬嘅味道呀！

btw，弱弱一問，其實而家係整緊今年聖誕節嘅佈置定係下年萬聖節嘅佈置？

老老77，計毛毛話dry，反正聖誕節都係一個人過㗎啦，其實使乜佈置咁多吖！再加上，如果你本身係一個奴才嘅話，就更加唔使佈置，因為……你嘅主子一定會幫你反轉棵聖誕樹，55。

資料來源：kairu009／twitter、boredpanda

延伸閱讀：好心人救松鼠仔 仲畀聖誕樹佢當遊樂場

クリスマスツリーに能面はつけちゃダメだwwwwwwww pic.twitter.com/Yh8QG6xLxu

— かいる⊿ (@kairu009) 2016年12月3日