大大細細嘅妙思淫，我哋讀書同埋拍拖拍到冇地方好去嘅時候都去得多啦，講真呀，最易行到放蚊嘅，就係歷史博物館喇。望住一牆都係嘅古人畫像，除咗望幾眼段簡介再點點頭扮明白，同埋偷偷地嘲笑啲古人個樣，都冇乜好做……

呢位古人九成係得罪化妝師同畫家喇，雖然畫咗堂而家最興嘅韓式一字眉，仲搽到塊面白裡透紅，不過做咩唔黐一黐雙眼皮膠紙呀又唔戴返對大眼con呀，對大眼啲，睇落都醒神啲吖嘛！化妝師唔幫佢掃暗影，畫家就照直畫，塊面咪成個壽桃咁漲卜卜囉，肯定係冇封利是畀人啦！

咦！個古人嘅真身跳咗出嚟呀！有怪莫怪細路仔唔識世界毛毛頭先亂講㗎咋你個妝好靚呀娘娘！好靚呀好靚呀！

原來呢個女仔唔係古人本尊，而係行行下博物館發現疑似自己前前前世嘅網民！睇咗咁耐，毛毛真係搵唔到佢哋眼耳口鼻有邊個位係唔似㗎囉！

真係估唔到以為同自己大纜同扯唔埋嘅古人，竟然唔止可能係自己祖先，更加可能係自己上上上上上唔知幾多世……諗到呢度，睇下你仲敢唔敢亂畫教科書入面啲古人吖嗱！

私の前前前世いた pic.twitter.com/BPS1p6Xn7G

— ゆ き (@1999n12y27) December 3, 2016

封面圖片、資料來源連結：1999n12y27／twitter、Carrry．凱瑞