唔知有冇人同毛毛一樣，有啲嘢，好似係枕頭仔或者BB被咁，係由細攬到大，攬足十幾廿年㗎呢？件心肝寶貝陪住自己長大，一聞落去充滿自己嘅味道，真係索一索舒筋活絡㗎，攬住佢仲好有安全感?！如果佢有啲咩事唔見咗或者爛咗，實喊足十日十夜啫！

英國有個14歲嘅小朋友阿Ben因為患有嚴重自閉症，理解能力有限，日常生活入面好多習慣都維持咗好多年冇改變過。

阿Ben有個由2歲開始就用嘅膠水杯，一用就用咗12年，一直以嚟佢只係會用呢個水杯飲水，如果用其他杯嘅話，就會唔肯飲水，甚至試過因為咁而脫水要送入醫院。

但係用咗咁多年，再鋒利嘅劍都會生鏽啦，何況係膠杯呢，個水杯已經舊到用唔到，但係又已經停咗產，阿Ben爸爸唯有上網募集呢款水杯，睇下有冇網民有二手嘅可以賣畀佢哋。

唔少網民見到都即刻寄自己個同款水杯畀阿Ben，希望佢可以繼續用佢心愛嘅寶貝水杯！收到咁多水杯，阿Ben爸爸一定好滾動喇！

生產呢款水杯嘅廠商都收到消息，決定盡力幫阿Ben！佢哋搵勻全球嘅分工廠，終於搵到整呢款水杯嘅模，仲整咗足足500個咁多送晒畀阿Ben呀！有咁多隻水杯，阿Ben就使再驚冇水杯用啦！畀咁多寶貝水杯圍住，阿Ben同屋企人一定感受到滿滿嘅愛喇。

The cup production was also down to the overwhelming love and support shown across social channels, so BIG THANKS to you all too. #CupForBen pic.twitter.com/CRd26AGOji

— tommee tippee UK (@tommeetippee_UK) November 29, 2016

封面圖片、資料來源連結：bbc、tommeetippee_UK／twitter

延伸閱讀：【好幸福呀】畀人偷咗包朱古力 竟然收到6500包塞滿成架車！