又到聖誕～又到聖誕～喂，咁辛苦佈置咗屋企棵聖誕樹，唔係唔影相擺上挨豬呃Like呀？而最近，美國前摔角選手Scott Hall都唔執輸，喺挨豬post咗張靚靚聖誕樹相喎，仲配以一句簡潔嘅caption「Just put my tree up #HallGood」嚟呃Like?！一齊睇下～

咦，乜張相入面有聖誕樹咩？毛毛乜都睇唔到，毛毛淨係留意到張相入面有部電視咋喎！而且部電視仲要播緊……哎唷唷，毛毛都唔好意思講喇！唉，點解人類硬係要重複同樣嘅錯誤㗎啫？好心聖誕流流大家就畀阿寶唞下啦。

而喺佢知道自己唔小心將自己嘅珍藏同大家開心些牙之後，佢已經將張相delete咗嚕。

btw，其實唔小心影埋自己睇緊套AV又點啫？愛情動作片都係電影嘅一種咋嘛～何況摔角選手都係人，睇AV又有咩錯喎！就算佢有錯，都只係錯在冇畀seed咋嘛……老老77，規矩就係規矩，唔好以為自己係名人就可以例外，頂你seed呢喂？！

資料來源：scotthallnwo／instagram、mirror