唔少人細細個返學嗰陣都試過種綠豆同寫下觀察日記咁嘅，所謂活動教學吖嘛。而呢班台灣幼稚園同學仔都唔例外，為咗了解一下魚嘅結構同習性，老師就叫佢哋帶條魚返嚟進行觀察活動嘞。

「媽咪！點解你幫我準備嗰條魚同其他同學仔帶返嚟嗰啲唔同嘅？」

咦，呢位同學仔你做咩帶條鯉魚返嚟嘅？而家做緊觀察活動，唔係上緊家政堂喎……

嗱，說話就唔可以咁講，家陣鯉魚唔係魚呀？只不過同學仔帶嗰啲係活魚，而你呢條係死魚咋嘛～話明做觀察活動，就梗係要用大魚先可以睇清楚條魚嘅結構㗎啦！你哋帶嗰啲觀賞魚咁鬼細條，點樣樣做觀察啫？分分鐘呢條鯉魚仲貴過其他小朋友啲觀賞魚?啦（以好少入街市嘅毛毛9估）。

老老77，其實帶咗條鯉魚返學校做觀察活動又點吖？有網民話，有次阿媽將電蚊拍當錯咗做羽毛球拍咁放入佢書包?啦，只不過上PE堂拎出嚟嗰陣畀同學瘋狂恥笑啫。between，同學仔你落咗堂就記得帶條魚返屋企喇喎，如果唔係今晚晚餐冇餸就唔好啦！55！

資料來源：Allen Lin／爆廢公社、24h.pchome.com​