其實毛毛一早預咗你哋又會話我針對Thomas，做咩成日笑9佢，但係毛毛真係覺得巧京京吖嘛！你哋冇聽過，大家一齊驚就會冇咁驚呢個咁有啟發性嘅大道理咩！所以今次毛毛都一定要同大家驚驚些牙呀，不能只有我看到！

話說之前日本出咗款Thomas火車頭糖，每筒糖嘅頂頂都會有唔同表情嘅Thomas，不過就算佢咩樣都好，不變嘅就係望住你個眼神……

呢款糖最頂癮嘅係，個Thomas頭可以拆出嚟自行組裝，畀你擺邊都得。喂，擺喺洗手盆去水位又會唔會陰魂不散咗啲……而家直頭係存在我嬸嬸的腦海裡，揮之不去囉。

上次都同大家介紹過日本網民玩Thomas火車頭嘅唔同方法，以為已經玩到好盡啦，點知最近創造力量同幻想會嚇到你個心離一離嘅日本仔，又有新玩法，就係「當Thomas火車頭糖遇上泥膠時」！

大佬呀，淨係將個死車頭壓落泥膠，無限copy佢個樣出嚟，呢件事已經夠晒恐怖，仲要壓到喺對眼度標條綠色泥膠出嚟，好似愛美神飛彈咁，到底係咩玩法……我真係接受唔到囉。

既然改變唔到個怨念神情，不如試下化妝呀？話唔定事情會有轉機呢。

嗯，算啦，除咗插盲毛毛對眼，我諗唔到有咩方法更加有幫助。

トーマスのラムネ、粘土型に使えるかなと思ったら、黒い所、穴なんやね！お目々飛び出るやん。 pic.twitter.com/uewNU1LPAc

— トイフォース@レゴ機械生物図鑑 (@uran120) January 21, 2017

封面圖片、資料來源連結：CV20dv／twitter、uran120／twitter

回帶：【個心離一離】呢筒Thomas火車頭糖會唔會太陰魂不散…