2017年02月02日 星期四
【男友小心中伏】 情人節五大瀨嘢禮物！
眨下眼又情人節喇！又係男友搲爆頭去諗送乜好嘅日子⋯⋯但其實送乜都唔重要，最緊要唔好送錯！毛毛驚死你哋會瀨嘢，所以出埋個懶人包幫下手，教精你哋唔好送啲乜！
1. 現金
你估而家公司抽獎呀！情人節係一個講求心思嘅節日嚟，你而家折現只會反映出你幾冇誠意！零分再諗！
2. 化妝品
可能你送化妝品係出於善意，但喺女友嘅角度出發，你呢啲只係屬於惡意嘅人身攻擊！
3. 唔係自己整嘅DIY製品
懶唔係罪，但蠢就一定係死罪！一係唔做，一做就唔好畀女友發現！如果畀佢捉到你嘅話，你買定棺材啦⋯⋯
4. 減肥產品
雖然毛毛都覺得普天之下，冇男友有呢種膽量送樣咁嘅禮物。但毛毛再三叮囑各位男友，除非你想成為單身貴族，唔係嘅話，回頭是岸呀！施主！
5. 送過畀EX嘅禮物
你唔係蠢到，以為用呢啲環保橋都會Work呀嘛！自從呢個世界有Facebook之後，其實已經冇任何嘢可以瞞到人⋯⋯
最後啦，咪話毛毛唔教精你！情人節咁浪漫嘅節日，就落啲本氹下女友啦。就好似MaBelle嘅純銀情侶手鐲咁，Fat唇之餘又有啲寓意 ，毛毛係囡嘅話，收到都冧死啦～而且，佢仲送埋一張獨家嘅「DIY短片心意卡」，只要係咁意加幾張相落去就搞掂，慳返唔少時間呀，衰鬼～自稱絕種好男友嘅，咪去 http://bit.ly/2jykfHp 睇下囉～
