喺呢個人人機不離手嘅年代，無論食飯定搭車定開大，啲人都硬係鍾意拎住部手機睇片打機上facebook嘅，有時真係分分鐘連阿媽都會拎住手機邊煲劇邊洗碗?！不過話時話，唔係部部手機都有防水功能㗎啵，萬一唔小心跣手跌咗部手機落馬桶／洗手盆咪大劑？

Yo！手機濕水開唔到機咋嘛？使乜驚呀～有咗呢部烘手機咪得囉！

是咁的，話說有網友喺廁所見到有部機寫住「烘手機」三個字，於是咪拎部手機埋去烘囉……嗱，我唔係文盲，我識字㗎，呢部機寫到明係要嚟烘手機，呢部仲唔係要嚟解決手機濕水問題嘅神器？

老老77，講到直必腸嘅，早前呢位網友個女條腸咪仲直～阿媽叫佢切半梳蕉畀阿婆，點知佢就真係喺中間一嘢咁劈落去喇，手起刀落，都唔知幾俐落呀！不過咁又係嘅，又係你話切一半，咁梳蕉有7條，7係單數嚟㗎嘛，你叫阿女點樣分一半啫？唔通真係拎去榨汁咩？

係呀，烘手機咪就係烘手機，切一半咪就係切一半囉。

資料來源：陳紀為／●【爆笑公社】●、Lawrence Wo／‎KL吹水站

睇埋：叫阿女切半梳蕉畀阿婆 點知佢就真係喺中間劈落去