散水餅嚟講，毛毛都幾有經驗㗎，唔係講緊派呀，係食同事們嘅散水餅呀！買三個幾一件嗰啲又好似行咗少少，買好食少少嘅，又唔捨得呀……其實派散水餅，都係想大家好嚟好去，留個好印象畀同事啫，唔知有冇人會試下DIY呢？

嘩，呢個寶石撻咁靚，上面啲寶石好似閃下閃下咁，唔知會唔會好難整呢？使唔使買幾個寶石模㗎，為咗整一次散水餅而買，好似唔多化算啵……

唔使驚，叫得你整，梗係唔會難得去邊啦！首先，整幾兜唔同色嘅啫喱先啦～之後就可以切做唔同大細嘅啫喱條，再切啲尖角，咪成個寶石樣出咗嚟囉。切完就雪返2－4日固定個形狀。

最後，將啲寶石放喺撻仔（買現成嘅咪得囉）上面，完成！啲寶石撻咁靚，肯定一拎出嚟個個同事都爭住食，仲影曬相post上網話唔捨得你，突然同你好老死咁?呀～

咪話毛毛唔提你，記得洗乾淨手先好整呀，一陣班同事問你點解個撻鹹鹹地就唔好啦……Btw，諗諗下，如果同班同事真係好感情到要親手整散水餅，又邊會捨得辭職吖，都係一人派一包梳打餅算啦。

全部ワシの胃の中に入ります pic.twitter.com/Kv8MiaaPiG

— 鷹姫さん (@takahime117) April 11, 2017

封面圖片、資料來源連結：takahime117／twitter