成日都話咩人睇咩嘢，到底睇到「咩嘢」係咪就代表咗你係「咩人」呢？而家就等毛毛同大家做個小測試。話說，最近日本Twitter就流傳咗一張地氊嘅相，聽講唔同年紀嘅人睇呢張地氊所睇到嘅圖案都會唔一樣喎⋯⋯

嘩嘩嘩，係真唔係呀？唔知大家又睇到地氊上面印住嘅係咩圖案呢？

有網民就話，呢個分明係一個訊號強度標誌啦，而且仲係一個訊號非常之強嘅標誌?！喂老老竇竇，次次見親呢個訊號強度標誌個心會離一離咁，有邊個會唔認得佢呀？化咗灰都認得佢啦！

不過有網民就話，乜呢個圖案唔係一條通往地牢嘅樓梯嚟咩？大家睇下，最右邊嗰個長方形咪就係最高嗰層樓梯囉，乜唔係咁樣樣咩？

嗯，雖然大家睇到嘅嘢都唔一樣，不過事實上呢張地氊上面印住嘅真係一條地牢樓梯嚟㗎。如果你睇到訊號強度標誌嘅話，咁咪代表少年你太年輕囉（好似係）！

この足拭きマットの模様、若い子には携帯のアンテナマークにしか見えないと聞いて俺が死んだ pic.twitter.com/8og52tKpX3

— いらみみ (@IraMimicbat) 2017年4月26日

資料來源：IraMimicbat／twitter、pokerin0916／twitter、END_mnst／twitter