女子MK組合FFX憑住新歌《Sugar Baby》MV，一夜之間成為網絡紅人，相信唔使幾耐就可以問鼎香港少女天團嘅寶座！但原來呢條迅速爆紅嘅MV，只係用咗900蚊拍咋！

個MV拍得咁出色，毛毛狂loop咗幾次，個腦而家係咁loop住「賣書架書架悲別」，差啲返唔到工打唔到稿呀…… 到底咁優秀嘅MV，係如何鍊成嘅呢？有讀者個FD子係隊crew嘅其中一個人，佢仲喺facebook打咗一大段status講拍MV時嘅辛酸！

宏利就想用500蚊拍太空片呀，而4位baby嘅經理人，只係畀多少少錢，用咗900大元，就可以動員一隊10個人嘅crew拍出一個完美體現FFX誘惑嘅眼神、撩人嘅舞姿、甜美嘅歌喉嘅MV，即係平均每個人90蚊咋！（仲有器材呀梳頭呀化妝呀服裝呀⋯⋯點計呀？）抵到呢！

呢位幫手拍片嘅朋友仔仲話，個精明經理人仲試過想用個客送嘅耳機畀promotion girl?呀。原來唔止作者同designer唔使食飯㗎，拍片同promotion girl都唔使㗎，原來夢想真係可以當飯食㗎喂！55，經理人，明白了。

連結：Sugar Baby Youtube

延伸閱讀：香港終於有MK女子組合喇！