毛毛作為健康新一代，放假梗係會落街跑下步啦（大約每半年一次，每次10分鐘咁啦），不過跑步都要小心啲睇路呀，唔係分分鐘會中狗狗金㗎！

狗狗正常都會屙便便嘅，毛毛冇怪佢哋呀，狗狗又點識自己抹返乾淨呀，最緊要係主人有公徳心，會用紙巾包返狗狗啲sss同用水沖一沖返狗狗嘅尿～

如果落街同狗狗散步又咁啱唔記得帶報紙或者紙巾，又咁啱佢放低咗幾両，應該點做好呢？唔通叫狗狗忍到返屋企先屙咩～呢個主人就抵讚喇，雖然唔記得帶紙巾，周圍又連塊枯葉都冇，佢忍痛割愛用自己包紫菜嚟包實啲狗sss呀！

有圖有真相呀，毛毛隔住個mon都feel到陣……公德心呀～！如果人人都咁愛護環境，香港一定會靚好多啫，係咪呀哈姆太郎？Between，下次冇帶紙巾，不如即場食咗佢算啦，Momo mean食咗塊紫菜先用個膠袋嚟包呀，唔係食嚿sss佢呀。

封面圖片、資料來源：Pui Ying Lau