以前嘅米埔係候鳥天堂，將來嘅米埔都係候鳥天堂呀，不過係指啲候鳥會上晒天堂嚕，因為米埔應該會畀人倒泥頭倒到變咗生態地獄喇，而家就係步向生態地獄嘅開始呀！

話說土地正義聯盟就發現米埔呢個本來綠草如茵，被劃為濕地改善區嘅地方，竟然……竟然畀啲無恥之徒勁倒泥頭搞到變咗咁樣呀！

而喺2011年嗰陣，規劃署都有勒令呢個地方附近嘅範圍唔准再倒泥頭，兼且要還原倒咗泥頭嘅地方?～就等毛毛帶大家睇下係咪真係有人咁聽話，施展還原靚靚拳將呢個地方變返靚啦！

吓？咁就還原咗㗎喇，唔L係啩？即係規劃署出咗通知書就當做咗嘢，就拍拍屁股唔使理咁話啦！有冇諗過嗰度住嘅雀仔嘅感受呀！？？ 唉，不過根據正苦嘅囉直，舉高雙手都可以當係投咗票，通過196億高鐵撥款啦，咁出咗通知書就當做咗嘢都好正常吖！連香港市民嘅利益都唔會關心嘅正苦，又點會關心米埔啲雀仔住嘅環境呢！

封面圖片、資料及圖片來源：土地正義聯盟、旅發局