繼早前有日本仔拎咗偶像張即影即有去當天婦羅咁炸之後，最近又有另外一個日本仔拎咗《LoveLive!》高坂穂乃果隻figure去當天婦羅咁炸喎！而今次仲有晒步驟圖咁款?，而家就等毛毛同大家一齊睇下～

首先，你要有一包天婦羅粉同一隻高坂穂乃果figure。

然後，你就可以將隻figure沾滿天婦羅粉再放落油鑊度炸。嗱嗱嗱，有煮開嘢嘅家庭觀眾都知道炸嘢要炸到金黃色㗎啦～所以今次我哋都係要炸到金黃色嘅！

登登登櫈，一個高坂穂乃果figure天婦羅就咁就完成咗嚕！喂，仲唔趁熱啪落口？

毛毛知道，其實大家都睇唔透點解呢個日本仔要拎隻高坂穂乃果figure去當天婦羅咁炸嘅。雖然毛毛都唔係幾睇得透，但以毛毛9估，佢應該都係想試下食女嘅滋味，所以先咁做㗎啫～應該係，除非唔係。

btw，而家大家知點解天婦羅要叫做天「婦」羅未？

資料來源：zerorun0／twitter

回帶：【卜卜脆】拎張即影即有去當天婦羅咁炸又得喎！