世上最偉大嘅愛，肯肯定係親情。唔信你睇下呢張震撼咗13億人心靈嘅相，是咪開始濕濕哋呀？嗱I mean對眼咋！

呢張前排喺網上面瘋傳嘅相，就已經證明咗咩叫做愛啦～事關呢個老竇為咗唔想自己個囝淋濕，就成把遮移晒去阿囝度，自己就濕到變透視裝呀！講開又講，唔知呢個婆婆幫個孫仔擔遮嘅時候又諗緊啲咩呢下？

有強國網友早幾日出街驚見前面呢兩婆孫擔遮擔到咁樣樣，個小朋友仲一面看透世事咁款，真係好有性格。嗯，寶寶濕了，但寶寶不怕。有網民仲改圖，整咗好出名嘅韓國三胞胎嘅二佬宋民國個樣上去，諗住幫個小朋友打氣呀！

冇錯，無論受盡風吹雨打，都要笑著活下去！聽日一定會更加大雨嘅啫，係咪呀哈姆太郎？Between，其實個婆婆後來都有解釋返，因為當時又落大雨，又掛住過馬路，都唔知道原來自己個孫伸咗個頭出嚟，仲話個孫淋咗咁耐雨心痛死佢?呀！係咯，其實落大雨又咩好怕喎！阿婆咁鍚自己，就算濕L晒，都唔L使驚啦！

圖片來源、資料來源：叫我阿阿阿阿婷／微博