有住過hall或者用過公司雪櫃嘅朋友都知香港鼠患有幾咁嚴重。話明係老鼠，梗係唔多識字㗎啦，就算你雞乸咁大隻字寫住個名，啲老鼠都照食可也㗎。要消除鼠患，唔使搵鼠王芬嘅，將體內嘅毒氣轉化做有幾毒得幾毒嘅告示咪得囉！

為咗捍衛食物，你可以去到幾盡？毛毛以為鍍金雙子塔入面啲告示都夠晒瘋狂啦，又變唯萎又要睇當年最強穿越劇集，真係諗起都驚驚呀，寧願餓死都唔敢偷食啦！

點知一山還有一山高，喺專畀背包客住嘅青年旅舍個共用雪櫃入面，竟然出現咗呢張告示！唔知係咪有傻豬豬試過見到雪櫃入面嘅嘢食係旅舍貼心準備嘅所以就食咗呢，有背包客為咗保護自己盒沙律，要出絕招用七國語言寫住「內有毒藥」，日文中文英文泰文甚至你唔識嘅文都寫埋，咁就萬無一失啦！
Btw，佢連祖國偉大嘅殘體字都唔寫，係咪即係寫都冇用咁嘅意思先！

バックパッカー用のホテル、共用の冷蔵庫に食べ物入れてると、名前書いても持ってかれることがあって悲しいので7カ国語で「毒入り」と書いて保管している。 pic.twitter.com/t75l6HIuEU

— 射倖心 (@bolcof2) December 14, 2016

封面圖片、資料來源連結： bolcof2／twitter