而家上網買嘢咁方便，毒L簡直可以放心宅喺屋企咩都使做，打開部電腦就咩都送到上門喇（除咗女朋友）。而網購最怕就係個賣家包得求其，啲嘢爆開咗就弊傢伙啦！但係如果你買嘅係呢啲嘢，似乎驚個箱爆開嘅唔係你，係啲速遞哥哥呀！

邊個咁冇陰功包隻象龜做包裹去寄速遞呀！仲要唔係標本或者公仔，係生勾勾嘅象龜呀！好彩龜大佬求生意志夠強，係咁爬先整得穿個紙箱抖下氣咋。如果唔係咁啱放咗佢喺上面，而係畀其他貨壓住，佢想唔變標本都幾難喇。

你以為咁已經夠晒出奇？有人竟然連蟒蛇都寄速遞，條蟒蛇仲玩Prison Break走咗出嚟，喺個物流待送區度散步呀，真係嚇到啲速遞員鼻哥窿都冇肉！所以話做速遞員真係辛苦，心血少啲都唔得呀！

Any肥，無論任何動物都唔應該放入紙箱當包裹寄，咁對佢哋嘅生命係好危險㗎！當然如果你係畀個速遞紙箱佢哋當玩具咁玩，好似呢位主子玩得咁開心就唔同講法啦～計毛毛話，嗰啲當小動物係包裹寄嘅人咁衰，一於Pack佢哋入箱等佢哋都試下畀人寄係點啦！

封面圖片及資料來源：爆料公社、聯結車 大貨車 大客車 拉拉隊 運輸業 照片影片資訊分享團
圖片來源：teepr