「我讀得書少，你唔好呃我！」相信都冇乜邊個未聽過呢句對白㗎啦？估唔到，講呢位對白嘅「佢」真係回到讀書時喎……話說有東洋網友就玩穿越，將李小龍帶咗去間女校度做男生。不過龍哥咁威武，面對呢啲咁凶險嘅環境就梗係驚都未驚過，就連食個lung廚都食得霸氣過人啦～

睇下啲日本妹豬，lung廚帶個咁鬼細嘅飯盒仔，邊度夠食㗎啫？龍哥作為一個男人就梗係食得夠豪氣㗎啦～嗱嗱嗱，拎個煲出嚟打邊爐就差唔多喇！

個煲打開仲熱辣辣有煙出㗎～有菜有肉，呢啲咪叫balanced diet囉哈利！

咦，阿龍哥做咩突然咁大反應呀？唔通佢喺嗰煲度發現有……甴曱？所以話，食物衛生真係好重要。雖然話中國人唔係東亞病夫啫，但開講有話「病從口入」，食咁多污糟嘢，想唔病都好難啦！

以上食物衛生資訊，由小龍哥提供。

封面圖片及資料來源：wankotkt／twitter