呢個世界有啲乖乖豬，無論你同佢講咩衰嘢，佢都係一臉無知咁望住你，但係亦都有啲曳人，明明你畀佢睇啲好正常嘅嘢，佢都係要諗埋一邊，仲要帶壞埋你都諗埋嗰啲衰嘢，搞到大家成日都要一齊面壁思過㗎！

好似呢個廁紙套咁，人地咁軟綿綿咁粉嫩，真係見到都想攬下佢呀～咦，點解望落有種熟悉感覺嘅？Post相嘅網民竟然望咗一眼就話佢似菊花喎……真係好有想像力呀！講起菊花，毛毛都淨係諗起清明節拜山嗰陣帶去嘅小黃菊小白菊㗎咋，絕對絕對唔會諗其他嘢嘅，更何況係粉紅色菊花！

你咁樣講完，叫人哋仲點面對個廁紙套喎，仲要喺佢度掹啲廁紙出嚟用?！小菊花咁脆弱，好易畀你掹到痛痛㗎嘛，一陣辣手摧花就唔好啦！

掹廁紙都算啦，你居然仲塞熊仔個頭入去，朵菊花咁緊緻，吸力又咁強勁，熊仔點掙扎都走唔到出嚟呀陰功！

最慘嘅係你哋班人竟然連《少女與戰車》嘅大吉嶺妹妹都唔放過，成個咁硬淨咁塞落去，真係隱隱約約都有啲痛呀！但係望多兩眼又好似有種莫名嘅興奮，真係睇到人紅都面晒呀！唔知畀阿女知道佢買返嚟個廁紙套畀人咁玩法會點呢？

封面圖片及資料來源：mokeibeya／twitter